ഇത് മരണവീട്,
ബന്ധങ്ങള്‍ ബന്ധനങ്ങളായി തിരിച്ചറിയുമ്പോള്‍
ഉള്ളില്‍ പൊട്ടിയൊലിക്കുന്ന മുറിവിനെ
കണ്ണീരില്‍ കഴുകി മറയ്ക്കുന്ന കൂട്ടര്‍,
പരിചയമുഖങ്ങളെ വകഞ്ഞ് ഒഴിഞ്ഞ്
ഒളിസങ്കേതം തേടി അലയുന്നവര്‍ക്ക്
ഇത് മരണവീട്.
ഇത് കല്യാണവീട്,
ബന്ധങ്ങളുടെ ചൂരും ചൂടും കൊണ്ട് ജീവിക്കുന്നവര്‍ക്ക്,
ഉള്ളില്‍ പൊട്ടിയൊലിക്കുന്ന സ്നേഹം
ഒരു ചിരിയില്‍ പകരുന്ന കൂട്ടര്‍,
പരിചയ മുഖങ്ങളെ തിരഞ്ഞെടുത്തു
പുതിയ ബന്ധങ്ങള്‍ തേടി അലയുന്നവര്‍ക്ക്
ഇത് കല്യാണ വീട്.
ഇത് കളിക്കളം,
സ്വയം തിരിച്ചറിയല്‍ നഷ്ടപെടുമ്പോള്‍,
ഉള്ളില്‍ പൊട്ടിയൊലിക്കുന്ന വികാരങ്ങളെ
അന്യന്‍റെ പേരില്‍ പ്രകടിപ്പിക്കുന്ന കൂട്ടര്‍,
മുഖം മൂടിക്കുള്ളില്‍ പദ്ധതികള്‍ മെനഞ്ഞു
ജീവിതത്തെ തേടി നടക്കുന്നവര്‍ക്ക്
ഇത് കളിക്കളം.
No comments:
Post a Comment