"ഇന്നത്തെ മഴ എനിക്ക് വേണ്ടി മാത്രം പെയ്തതാണ്.... എന്നെ ചിരിപ്പിക്കാന്‍ വേണ്ടി ആകാശം പൊട്ടിക്കരഞ്ഞു... എന്നെ പേടിപ്പിക്കാന്‍ മിന്നലും ഉണ്ടായിരുന്നു...മിന്നലില്‍ പേടിച്ചു അകത്തേയ്ക്ക് ഓടിയും മഴത്തുള്ളികള്‍ ആസ്വദിച്ചും ഒരു സായാഹ്നം കൂടി കഴിഞ്ഞു... മഴ ഇനിയും കഴിഞ്ഞിട്ടില്ല... ഇപ്പോഴും പെയ്യുന്നു...ആരെയൊക്കെയോ ചിരിപ്പിക്കാന്‍ വേണ്ടി..."
"ഓര്‍മകളില്‍ എവിടെയോ ഒരു തേങ്ങല്‍ പോലെ ഇന്ന് മഴ നമുക്കന്യമായി... നമ്മള്‍ ജീവിതത്തിന്‍റെ പല മരക്കൊമ്പുകളിലും ചേക്കേറി... ജീവിതവും ജീവിതബന്ധങ്ങളും പലപ്പോഴും ഒരു മഴ കാത്തിരിക്കുന്നു... വേഴാമ്പല്‍ പോലെ ... വരള്‍ച്ചയ്ക്കും ഇരുണ്ടുമൂടിയ ആകാശത്തിനും മാറ്റം ആഗ്രഹിക്കുന്നതില്‍ തെറ്റില്ലല്ലോ... "
"ഇന്ന് നിങ്ങളുമായി പങ്ക് വയ്ക്കാന്‍ വഴിയോര കാഴ്ചകള്‍ ഇല്ല... പുതിയ വിശേഷങ്ങള്‍ ഇല്ല... എങ്കിലും ഓര്‍ത്ത്‌ വയ്ച്ച ഒന്നുണ്ട്... വേനല്‍ കഴിഞ്ഞു... മഴക്കാലം ഇന്ന് തുടങ്ങി... വെള്ളം തെറ്റിക്കളിച്ചും കളിവള്ളം കളിച്ചും നമ്മള്‍ സ്നേഹിച്ച മഴ.... പക്ഷെ ഇന്നീ കളികൂട്ടുകാരനെ എനിക്ക് പേടിയാണ്... ഇലകളില്‍ നിന്നിറ്റു വീഴുന്ന മഴത്തുള്ളികളില്‍ സ്വര്‍ണത്തിളക്കം ഇല്ല .... ചെറുപ്പത്തിലെ മഴക്കാലം മുഴുവന്‍ പുറത്തായിരുന്നു... ഈ മഴക്കാലം ഞാന്‍ മുറിക്ക് അകത്തിരുന്ന് തള്ളി നീക്കാന്‍ നിര്‍ബന്ധിതയാണ്.... പേടിയാണ് നിന്നെ... മനുഷ്യനാല്‍ മലിനയാക്കപ്പെട്ട നീ എനിക്ക് തരാന്‍ പോകുന്ന പൊള്ളുന്ന ചൂടിനെ... ആ ചൂട് മാറ്റാന്‍ ഞാന്‍ കഴിക്കേണ്ട പൊള്ളുന്ന വിലയുള്ള നിറമുള്ള കയ്പ് മിട്ടായിയെ..."
No comments:
Post a Comment