ദിനമെണ്ണി, ചോദ്യങ്ങള്‍ക്ക് മറുപടി കാത്തു
അങ്ങേതലയ്ക്കല്‍ മനസ് ചായിച്ചു
ഇങ്ങേത്തലയ്ക്കല്‍ ഉറങ്ങുന്നവന്‍,
ഇത് പ്രവാസി, നെഞ്ചില്‍ തുകില്‍ കൊട്ടി
രാത്രി തള്ളി നീക്കുന്നവന്‍.
വെയിലിന്‍റെ ചൂടില്‍ മഴക്കാറ് നോക്കി,
മരീചികയില്‍ മയങ്ങാതെ, മാനത്ത് നോക്കി
ചോദ്യശരങ്ങള്‍ ഉള്ളില്‍ തൊടുക്കുന്നവന്‍,
ഇത് പ്രവാസി, ഉത്തരങ്ങള്‍ തേടി
ചുടുമണ്ണില്‍ വിയര്‍പ്പൊഴുക്കുന്നവന്‍.
മുഖപുസ്തക താളുകള്‍ തിരിച്ചും മറിച്ചും
ലോകചലനങ്ങള്‍ വീക്ഷിച്ചു, ഉള്ളില്‍
ഗൃഹാതുരത്വം കുത്തി നിറയ്ക്കുന്നവന്‍.
ഇത് പ്രവാസി, ഇലക്ട്രോണിക്
ലോകത്തില്‍ വിസ്മയം കൊള്ളുന്നവന്‍.
പുതിയ മുഖചിത്രങ്ങളാല്‍ പ്രൊഫൈല്‍
നിറച്ചു, ചരിഞ്ഞും തിരിഞ്ഞും ഇരകളെ തേടി
രാവോളം മിഴികള്‍ തുറന്നിരിക്കുന്നവന്‍,
ഇത് പ്രവാസി, മുഖം മൂടികള്‍ക്കുള്ളില്‍
സ്വയം തേടി അലയുന്നവന്‍.
ലാപ്ടോപ്പിലെ ചിത്രങ്ങള്‍ തേടിപ്പിടിച്ചു
ചവട്ടുകൊട്ടയിലാക്കി , അതിവേഗം
വീടിലേക്ക്‌ ഓടിയെതുന്നവന്‍.
ഇത് പ്രവാസി,സ്നേഹം പങ്കുവയ്ച്ചു
മനസ്സില്‍ കുളിര്‍ കൊരിയിടുന്നവന്‍.
പുതിയ സൗഹൃദങ്ങളെ തൊട്ടറിഞ്ഞു ,
കൂട്ടായ്മകള്‍ക്കൊപ്പം സമയ സൂചി നീക്കി,
ജീവിതം സ്പര്‍ശിച്ചു അറിയുന്നവന്‍.
ഇത് പ്രവാസി, വഴുതി കിട്ടിയ വേളകളില്‍
ഉള്ളില്‍ പുഞ്ചിരി വിരിയിക്കുന്നവന്‍.
Heyy, it's really nice, Thnk you very much, it's true lines
ReplyDelete:) thank you
Deleteപ്രവാസം സുഖകരം
ReplyDeletedisable word verification