നിന്റെ പുറങ്കുപ്പായത്തില് വില്ക്കപെടുന്നത്
കപട പ്രണയബന്ധങ്ങള്,
നിന്റെ നഗ്നമേനിയില് കുത്തിവരയ്ക്കപ്പെടുന്ന,
നിര്ജീവ കാമഭ്രാന്തുകള്,
നിന്റെ അകത്തളങ്ങളില് ദ്രൗപതിയാക്കപെടുന്ന
സ്ത്രീ ജന്മങ്ങള്,
എങ്കിലും നീ യാത്ര തുടരുകയാണ്,
ചൂഷണത്തിന്റെ ചൂട് മാറാത്ത നിന്റെ-
ചായക്കോപ്പയിലെ വിപണന തന്ത്രങ്ങളുമായി.
ചുണ്ടെലിയും പാറ്റയും അപഹരിച്ച
നിന്റെ കയറുമെത്തയില് ഉറങ്ങി,
ജീവിതത്തിനും മരണത്തിനും മദ്ധ്യേ നിന്നില്
ഇടത്താവളങ്ങള് തേടുന്ന മനുഷ്യ കോമരങ്ങളുമായി
സമാന്തര പാളങ്ങളിലൂടെ,
നീ യാത്ര തുടരുകയാണ്.
No comments:
Post a Comment